म
सबैको भएर कसैको हुन नसकेको म
आफ्नाको नभएको परायाको हुन नसकेको म।
कृष्णहरुको बिचको राम म
देव लोकको शम्भो जस्तो निलाहार म
पाण्डवको युधिष्टि, कौरवको युयुत्सु म
पराक्रमी विश्वामित्र, शुकदेव स्वामी जस्तो म।
म शिष्यमा आरुणी,
भक्तमा वाल्मीकि
ग्रहमा एक्लो वुहस्पति
चौताराको वर
चरा हुन नसकेको
अनि, उड्न बनेको चङ्गा म
देउता बन्न नसकि मानिस बनेको म।
बहादुर पुर्खाको कमजोर पुस्ता म
परिवारको कान्छो छोरो
ठुलो अफिसको सानो कर्मचारी
टुटेको सपना, छुटेको गन्तव्य
पछ्याउँदै हिडेको मुसाफिर म।
 |
No comments:
Post a Comment